el dis el bis al tas...

Dre ‘n mas su ‘n vers Lases
en bis che neva a spas
‘l s’a trovà sora ‘n bus
squert su de rais

e ‘ndel sgaus del bus
el bis l’ha vist en tas
“Tei, ti, balos che sès!”
- el dis el bis al tas -

Che fas giò lì ‘n quel bus?
Se giò n’quel bus lì stas
devèntes masa gras !!
po’ ciapes su la tos !!

Se fas en pas
el dis el bis rognos al tas
” Te molo en pugn sul nas ” !
” Che fas ?” - el dis el tas

“Te molo en pugn sul nas”
el dis el bis pu fis
rognos e pontilios
ben mes ‘ntra le rais !!

Rabios tut ros el tas
l’ha fat su ‘n rafanass….
l’ha trat via le rais l’è salta su dal bus
l’ga corest dre a quel bis….

E ‘l bis, pauros tut scos
dal mus pelos del tas si gros e gras
el sè ‘mbusà ‘nden bus
che ghèra live a ‘n pas

Ades, i dis che l’tas
pelos e mparmalos,
l’è sempro lì su l’us
che ‘l speta che quel bis

che ha fat el ficanas
el vegna for dal bus
par dirghe: Vergognos!!
e darghe en pugn sul mus!!

Ma ‘l bis da ‘n altro bus
l’è già scampà da ‘n mes

Morale:

stà storia, se ve pias
de spes la gà qualcos
per chi no la capis
ghe tiran via ‘l smarlòs.

Ghe gènt che come ‘l bis
la sponge e po sparis
e quei che come ‘l tas
a volte noi capis
che col nervos ados
se fà el zoch che piase al bis

Gregaredo Begoncias
alias Camillo Conotter dela Vela

Dalla voce dell'autore.